Skip to main content

Verifye estati ranbousman ou an sou entènèt—nenpòt lè ak nenpòt kilè!

Pou verifye estati ranbousman ou an, ou bezwen konnen montan ranbousman ou te fè demann nan Eta New York la. Gade nan Fè demann montan ranbousman pou w konnen ki kote pou jwenn montan sa a.

Remak: Ou pa kapab itilize Verifye Estati Ranbousman Ou pou gade estati yon peman. Pou konfime ou resevwa peman ou an, verifye avèk enstitisyon finansyè ou an.

Pou verifye estati yon deklarasyon ki modifye, rele nou nan 518-457-5149.

Verifye estati yon ranbousman

Konprann kisa estati ranbousman an ye

Lè w soumèt deklarasyon revni ou an, li pral pase pa plizyè etap pou nou trete l. Chak deklarasyon diferan. Lè deklarasyon revni an senp n ap trete l pi rapid, men lè deklarasyon revni an gen kèk kredi ki konn atire fwod, l ap mande pou nou fè verifikasyon anplis nan youn oswa plizyè depatman verifikasyon.

Verifye kalite mesaj pou estati ranbousman ou te resevwa pou jwenn esplikasyon sou deklarasyon revni ak estati ranbousman ou an.

Lè estati ranbousman ou an chanje, ap gen yon mizajou ki ap fèt otomatikman nan sistèm telefòn otomatik nou an, zouti pou Verifye Estati Ranbousman ou an sou entènèt, ak nan enfòmasyon sou kont lan ki disponib pou reprezantan ki nan Sant Apèl nou an.

No further information (Pa gen enfòmasyon anplis)

Estati

We do not have any information about your return at this time. E-filed returns could take one week to post to our system; mailed returns can take up to three weeks to post to our system. If you e-filed, check your email, tax software or tax preparer to ensure it has been accepted.

(Nou pa gen okenn enfòmasyon sou deklarasyon revni nan moman sa a. Deklarasyon moun depoze sou fòm elektwonik kapab pran jiska yon (1) semèn pou afiche nan sistèm nou an; deklarasyon moun depoze pa lapòs kapab pran jiska twa (3) semèn pou afiche nan sistèm nou an. Si w te depoze deklarasyon revni ou an sou fòm elektwonik ou ta dwe verifye imèl ou, lojisyèl ki ranpli taks, oswa moun ki prepare taks kapab asire yo nou aksepte l.)

Esplikasyon

Estati ranbousman sa a ap kontinye afiche jiskaske nou pibliye deklarasyon revni ou an nan sistèm nou an. Lè sa fèt, ap gen yon mizajou ki fèt yon fason otomatik nan estati ranbousman ou an.


Estati

We have received your return and it is being processed. No further information is available at this time.

(Nou resevwa deklarasyon revni ou an, epi nou kòmanse travay sou li. Pa gen enfòmasyon anplis ki disponib nan moman sa a.)

Esplikasyon

Se fason jeneral pou trete yon estati. Lè nou nan etap sa a, reprezantan ki nan Sant Apèl ou an pa gen enfòmasyon anplis sou deklarasyon revni ou an.

Sof si nou chwazi deklarasyon revni ou an pou verifikasyon anplis, oswa nou fè demann enfòmasyon anplis, estati ou an ap rete konsa pandan n ap travay sou li, sof si nou pwograme yon dat pou ranbousman an.

Lè nou chwazi yon dat pou ranbousman an, ap gen yon mizajou ki fèt otomatikman nan estati ou an.

Requires further review (Demann pou verifikasyon anplis)

Estati

We received your return and it requires further review. This may result in your New York State return taking longer to process than your federal return. No further information is available at this time.

(Nou resevwa deklarasyon revni ou an epi li mande pou nou fè plis verifikasyon. Sa kapab lakòz nou pran plis tan pou travay sou deklarasyon revni nan Eta New York pase tan nou pran nan deklarasyon federal la. Pa gen enfòmasyon anplis ki disponib nan moman sa a.)

Esplikasyon

Sistèm tretman otomatik lan eskàne chak deklarasyon revni pou gade si yo pa gen erè ak siy fwod. Selon rezilta nou jwenn lè nou eskòne deklarasyon revni ou an, nou ka bezwen verifye l alamen.

Deklarasyon revni ou an ka rete nan etap sa a pandan yon peryòd ki pwolonje, sa ki pral pèmèt nou fè verifikasyon yo.

Estati sa a ka retounen « n ap travay sou li » ankò, oswa ou ka resevwa yon demann pou jwenn enfòmasyon anplis.

Request for information (Demann enfòmasyon)

Estati

We sent you a letter requesting additional information. You should receive the letter within 2 weeks. To respond to your letter quickly and easily online—and to review our checklists for a complete response—select Help in the upper-right corner of this page.

(Nou te voye yon lèt pou ou kote nou te mande w enfòmasyon anplis. Ou ta dwe resevwa lèt la nan delè 2 semèn. Pou reponn lèt la byen rapid epi fasil sou entènèt—epi pou verifye lis verifikasyon nou an pou jwenn yon repons konplè—chwazi Èd nan kwen ki nan pati anwo paj sa a.)

Esplikasyon

Si w resevwa estati sa a, nou bezwen plis enfòmasyon nan men w anvan nou kapab fini travay sou deklarasyon revni ou an ak ranbousman an. W ap resevwa yon lèt Demann Enfòmasyon (Fòm DTF-948 oswa DTF-948-O) avèk detay konsènan enfòmasyon nou bezwen yo ak fason pou reponn lèt la.

Ou kapab wè lèt nou voye pa lapòs pou ou nan Kont pou Sèvis Endividyèl Sou Entènèt, pandan w ap itilize aplikasyon Repons pou Depatman ki Voye Avi a. Ou pa bezwen rete tann pou resevwa lèt la pa lapòs pou reponn. Gade nan Reponn yon lèt ki mande enfòmasyon anplis (Reponn yon lèt ki mande enfòmasyon anplis) pou jwenn plis enfòmasyon.

Refund adjusted (Ajiste ranbousman)

Estati

We processed your return and adjusted the refund amount that you claimed. You will receive correspondence explaining the adjustment.

(Nou fin travay sou deklarasyon revni ou an epi nou ajiste montan ranbousman ou te reklame a. W ap resevwa yon lèt ki esplike ajisteman an.)

Esplikasyon

Si nou fè youn oswa plis ajisteman nan deklarasyon revni sou revni moun:

  • Ou kapab resevwa yon montan ranbousman ki diferan ak sa ou te fè demann nan deklarasyon revni ou an.
  • W ap resevwa yon lèt nou voye pou ou (Fòm DTF-160 oswa Fòm DTF-161) k ap esplike ajisteman an.

Pou jwenn enfòmasyon sou ajisteman ranbousman an, gade Additional information about New York State income tax refunds (Enfòmasyon anplis sou ranbousman taks sou revni nan Eta New York).

Refund issued (Ranbousman nou fè)

Estati

Your return has been processed. A direct deposit of your refund is scheduled to be issued on [mm/dd/yyyy]. If your refund is not credited to your account within 15 days of this date, check with your bank to find out if it has been received. If it’s been more than 15 days since your direct deposit issue date and you haven’t received it yet, see Direct deposit troubleshooting tips.

(Nou trete demann pou deklasyon revni ou an. Nou planiye pou fè yon depo dirèk pou ranbousman an jou ki [jou/mwa/ane]. Si nou pa depoze ranbousman an sou kont ou an nan delè 15 jou apati dat sa a, verifye avèk bank ou an pou verifye si yo pa resevwa l. Si gen 15 jou ki pase depi nou te ba ou dat pou depo dirèk la, epi ou poko resevwa l, gade sou Konsèy pou rezoud pwoblèm ki gen rapò ak depo dirèk.

Esplikasyon

Si w fè demann pou depo dirèk, w ap resevwa estati sa a lè nou planifye dat pou resevwa ranbousman ou an.

Ba nou 15 jou apati dat nou bay pou ranbousman an pou resevwa ranbousman ou an. Si w pa resevwa ranbousman ou an nan delè 15 jou, rele bank ou an.


Estati

Your refund check is scheduled to be mailed on [mm/dd/yyyy]. If you have not received your refund within 30 days of this date, call 518-457-5149. (Nou planifye pou resevwa chèk ranbousman ou an pa lapòs jou ki ap [jou/mwa/ane]. Si w pa resevwa ranbousman ou an nan delè 30 jou apati dat sa a, rele nan 518-457-5149.)

Esplikasyon

Si w fè demann pou resevwa ranbousman ou an sou fòm chèk, w ap resevwa mesaj pou estati sa a lè nou planifye pou voye chèk ranbousman ou an pa lapòs.

Jwenn montan ranbousman ou fè demann lan

Lè w itilize Verifye Estati Ranbousman ou an, w ap mete enfòmasyon nou itilize pou verifye idantite w. Jwenn montan ranbousman ou fè demann lan nan deklarasyon revni ou an pandan w ap itilize tablo anba a.

Jwenn montan pou ranbousman ou fè demann lan pa fòm epi pa ane taks
Si w ranpli Taks pou ane Montan pou ranbousman ou fè demann nan se
Fòm IT-201 2020–2025 Sou Liy 78.
Fòm IT-203 2020–2025 Sou Liy 68.
Fòm IT-205 2020–2025 Sou Liy 39.
Fòm IT-214 2020–2024 Sou Liy 33.
2025 Sou Liy 20.
Fòm NYC-208 2019 Sou Liy 29.

Si ou pa gen yon kopi deklarasyon revni ou an, gade sou Mwen pa gen kopi deklarasyon revni mwen an. Kisa mwen kapab fè? pou enstriksyon.

Si liy nan deklarasyon revni kote ou fè demann lan vid, oswa si ou te mete zewo, ou pa t fè demann yon ranbousman epi ou pa kapab itilize zouti pou Verifye Estati Ranbousman ou an. Ou pa kapab itilize Verifye Estati Ranbousman Ou an pou gade estati yon peman.

Si w rantre enfòmasyon ki pa koresponn ak sistèm nou an, w ap resevwa yon mesaj ki erè. Apre w eseye kat (4) fwa, ou p ap kapab gen aksè ak estati ou an pandan 24 èdtan. Pou rezoud pwoblèm ou an, verifye nimewo Sekirite Sosyal ou an an montan ranbousman ou rantre a pou konfime yo kòrèk. Reprezantan nou an pa kapab bay montan ranbousman ou fè demann lan, menm aprè li fin verifye idantite w.

Jwenn repons pou kesyon moun poze souvan yo

Nou resevwa yon milyon apèl chak ane ki soti kote moun k ap peye taks yo k ap mande plis enfòmasyon sou estati ranbousman yo an.

Epi chak ane, nou gade pi bon fason pou ba ou enfòmasyon ou bezwen yo san nou pa oblije w rete annatant pou mande yon reprezantan. Nou devlope resous sa a pou ede reponn kèk nan kesyon moun poze pi souvan yo.

Ki kote mwen kapab jwenn montan ranbousman m fè demann lan?

Mwen pa gen kopi deklarasyon revni mwen an. Kisa mwen kapab fè?

Si w pa gen yon kopi deklarasyon revni ou an, konekte sou lojisyèl ou te itilize pou ranplil la pou jwenn yon kopi.

Si se yon moun ki konn prepare taks ki te ranpli deklarasyon revni ou an, kontakte l pou jwenn yon kopi. Lalwa fè yo obligasyon pou li ba ou deklarasyon revni li ranpli nan non w. Gade Deklarasyon Dwa Konsomatè Konsènan Moun K ap Prepare Taks pou jwenn plis enfòmasyon.

Si w gen difikilte pou w jwenn yon kopi, ranpli Fòm DTF-505, Otorizasyon pou pataje yon kopi oswa deklarasyon revni, epi/oswa Enfòmasyon sou Takspou fè demann yon kopi bò kote nou. Tanpri, ba nou 30 jou pou travay sou demann ou an.

Èske yon reprezantan nan telefòn kapab di m montan ranbousman m fè demann lan?

Malerezman, non. Reprezantan nan telefòn nou an pa kapab ba ou montan ranbousman ou fè demann lan nan deklarasyon revni ou an, menm apre li fin verifye idantite w. Se pwosedi nou suiv pou asire nou enfòmasyon ou yo rete an sekirite epi yo konfidansyèl.

Mwen te ranpli yon modifikasyon nan deklarasyon revni an. Èske mwen kapab itilize zouti Verifye Estati Ranbousman Ou an pou wè estati ranbousman an?

Non, zouti sa a p ap fonksyone si w ranpli yon modifikasyon sou deklarasyon revni.

Pou verifye estati yon modifikasyon sou deklarasyon revni, rele nou nan 518-457-5149.

Poukisa mwen pa wè mizajou nan zouti pou Verifye Estati Ranbousman Ou an?

Nou pa gen estati ranbousman pou chak etap nan pwosesis la. Si w wè menm estati a pandan yon peryòd tan ki long, rete asire nou toujou ap travay sou deklarasyon revni ou an—sof si nou te voye yon lèt kote n ap mande enfòmasyon anplis.

Si nou te mande dokiman oswa enfòmasyon ki manke, nou pa kapab kontinye travay sou deklarasyon revni ou an jiskaske nou resevwa l. Gade nan Reponn lèt ki mande enfòmasyon anplis pou jwenn enfòmasyon sou fason pou reponn sou entènèt. Se fason ki pi rapid la.

Èske yon reprezantan nan telefòn kapab di m kilè m ap resevwa ranbousman mwen an?

Reprezantan nan sant Apèl la gen aksè ak egzakteman menm enfòmasyonnou ba ou pandan w w ap itilize zouti otomatik yo.

Si w verifye estati ranbousman an pandan w ap itilize liy telefòn otomatik la oswa zouti pou Verifye Estati Ranbousman ou an, epi okenn nan yo pa bay dat w ap resevwa ranbousman an, reprezantan nan Sant Apèl nou an pa gen enfòmasyon sa tou.

Èske m ta dwe rele pou jwenn plis enfòmasyon sou estati ranbousman mwen an?

Reprezantan nan telefòn nou an itilize egzakteman menm enfòmasyon nou ba ou nan zouti ranbousman otomatik yo. Reprezantan nou yo pa gen enfòmasyon ki ale pi lwen pase sa ou kapab jwenn lè w rele liy telefòn otomatik lan  (518-457-5149) oswa lè w itilize zouti pou Verifye Estati Ranbousman an.

Poukisa mwen pa kapab itilize zouti pou Verifye Estati Ranbousman an?

Ou ka petèt mete yon move nimewo Sekirite Sosyal oswa yon move montan pou ranbousman an. Apre w eseye mete move enfòmasyon yo kat (4) fwa, ou p ap kapab verifye estati ranbousman ou an pandan 24 èdtan.

Si w te fè yon peman, epi w ap eseye verifye estati a, verifye avèk bank ou an. Ou pa kapab itilize Verifye Estati Ranbousman ou an pou verifye estati yon peman.

Kilè nan jounen an nou fè mizajou nan mesaj sou estati ranbousman yo?

Pa gen yon lè nan jounen an pou nou aktyalize mesaj sou estati ranbousman an. Nou fè mizajou nan estati ranbousman ou an nenpòt lè gen yon chanjman nan deklarasyon revni ou an pou li avanse nan yon pwochen etap nan pwosesis la.

Pou jwenn yon lis estati ou ka wè pi souvan yo, ou kapab gade jan nou travay sou deklarasyon revni ou an, gade sou Konprann kisa estati ranbousman an ye, anwo a.

Kisa mwen dwe fè si mwen resevwa yon lèt?

Si estati ranbousman ou an di nou te voye yon lèt kote nou mande enfòmasyon anplis, gade sou Reponn yon lèt pou jwenn plis enfòmasyon epi pou verifye lis verifikasyon pou prèv nou aksepte. 

Si w te resevwa yon fakti oswa yon avi, reponn anliy. Se fason ki pi fasil epi ki pi rapid. N ap ede w avanse atravè pwosesis la.

Yo te ajiste montan ranbousman mwen an. Poukisa?

Gen plizyè rezon ki ka fè yo ajiste montan ranbousman ou an, tankou yon erè matematik oswa move reklamasyon kredi. Gade Additional information about New York State income tax refunds (Enfòmasyon anplis sou ranbousman taks sou revni nan Eta New York) pou w kapab jwenn plis rezon ki ka fè ranbousman ou an diferan ak sa ou tap atann lan.

Kòman yo travay sou ranbousman taks mwen an?

Tout deklarasyon revni yo pase atravè prim moun ranpòte ak pwosesis verifikasyon otomatik la  Selon rezilta yo, nou kapab chwazi deklarasyon revni ou an pou verifikasyon anplis, oswa nou ka fin verifye l byen rapid. N ap fin travay pi rapid sou yon deklarasyon revni ki senp pase sou yon deklarasyon kipi konplike.

Pi bon fason pou resevwa ranbousman ou pi rapid, se lè w ranpli l sou fòma elektwonik, epi ou asire w ou kalifye pou nenpòt kredi ou deklare. Si w deklare yon kredi ou pa kalifye pou li, deklarasyon revni ou an kapab pran mwa anplis pou nou travay sou li. Pou w jwenn plis enfòmasyon sou obligasyon pou kredi ou ka kalifye pou li a gade Income tax credits (Kredi pou taks sou revni) ak Recordkeeping for individuals (Liv rejis pou patikilye).

Ou jwenn sa a ou t ap chèche a?

W ap chèche youn (1) nan bagay sa yo?

Si sa yo pa mache, eseye searching (chèche) sou sit entènèt nou an.

Eskane, klike, voye!

yon moun ap itilize yon telefòn pou eskane yon dokiman

Eskane, klike, voye!

Èske ou te resevwa yon lèt ki mande w pou ranpli Fòmilè DTF-32, DTF-33, DTF-36, TD-210.2, TD-210.3, oswa TD-210.7?

Pou resevwa nouvo chèk ou a pi vit, sèvi ak aparèy mobil ou a pou soumèt fòmilè ou an sou entènèt!

  1. Eskane kòd QR ki sou lèt ou a.
  2. Pran yon foto fòmilè ou ranpli a.
  3. Voye foto a.

Avantaj yo gen ladan yo:

  • sekirite, san w pa bezwen kreye kont
  • pa bezwen enprimant oswa òdinatè
  • pa bezwen enprimant oswa òdinatè
Updated: