Wòl Anplwaye sou kont Taks pwofesyonèl yo
Adminitratè
Administratè yo gen aksè a Rezime Kliyan epi yo ka:
- ajoute kliyan nan kont Taks Pwofesyonèl ou a,
- konsilte enfòmasyon taks konfidansyèl yon kliyan ak fè tranzaksyon sou non kliyan an,
- mete ajou tranzaksyon yo otorize w fè sou non yon kliyan,
- mete ajou Itilizatè ki asiyen ak yon kliyan, epi
- retire kliyan sou kont Taks Pwofesyonèl ou an.
Nòt: Lè w ap agrandi oswa mete ajou otorizasyon w sou kont ou an pou fè tranzaksyon sou non yon kliyan, ou dwe gen Fòm E-ZRep TR-2000 kliyan an ranpli ak siyen nan dosye a. Gade E-ZRep Form TR-2000, Tax Information Access and Transaction Authorization information (Fòm E-ZRep TR-2000, Aksè Enfòmasyon Taks ak Enfòmasyon Otorizasyon Tranzaksyon), pou plis enfòmasyon.
Administratè yo gen aksè a Rezime Anplwaye epi yo ka:
- ajoute yon anplwaye sou kont Pwofesyonèl taks ou a kòm yon Administratè, Manadjè, oswa Itilizatè;
- mete ajou wòl yon anplwaye;
- Repwograme modpas yon anplwaye;
- mete ajou adrès imèl ak nimewo telefòn yon anplwaye;
- mete ajou kliyan yo asiyen ak yon Itilizatè;
- retire lòt anplwaye sou kont ou a; epi
- efase kont Taks Pwofesyonèl ou a.
Yon kont Taks Pwofesyonèl ka gen jiska senk (5) Administratè.
Manadjè
Manadjè yo gen aksè a Rezime Kliyan epi yo ka:
- ajoute kliyan sou kont Taks Pwofesyonèl ou a,
- konsilte enfòmasyon taks konfidansyèl yon kliyan ak fè tranzaksyon sou non kliyan an,
- mete ajou tranzaksyon yo otorize w fè sou non yon kliyan,
- mete ajou Itilizatè ki asiyen ak yon kliyan, epi
- retire kliyan sou kont Taks Pwofesyonèl ou a.
Nòt: Lè w ap agrandi oswa mete ajou otorizasyon w sou kont ou a pou fè tranzaksyon sou non yon kliyan, ou dwe gen Fòm E-ZRep TR-2000 kliyan an ranpli ak siyen nan dosye a. Gade E-ZRep Form TR-2000, Tax Information Access and Transaction Authorization information (Fòm E-ZRep TR-2000, Aksè Enfòmasyon Taks ak Enfòmasyon Otorizasyon Tranzaksyon), pou plis enfòmasyon.
Manadjè yo gen aksè a Rezime Anplwaye epi yo ka:
- ajoute yon anplwaye sou kont Taks Pwofesyonèl ou a kòm yon Manadjè oswa Itilizatè,
- mete ajou wòl yon Manadjè oswa yon Itilizatè,
- Repwograme modpas yon Manadjè oswa yon Itilizatè,
- mete ajou imèl ak nimewo telefòn yon Manadjè oswa yon Itilizatè,
- mete ajou kliyan yo asiyen ak yon Itilizatè, epi
- retire lòt Manadjè ak Itilizatè yo sou kont ou a.
Pa gen limit nan kantite Manadjè ou ka genyen sou kont Taks Pwofesyonèl a.
Itilizatè
Itilizatè yo:
- pa gen aksè a lòt anplwaye sou kont Taks Pwofesyonèl ou a, epi
- aksè limite a Rezime Kliyan; yon Administratè oswa Manadjè dwe bay yon Itilizatè aksè a yon kliyan anvan Itilizatè a ka wè enfòmasyon taks konfidansyèl ak fè tranzaksyon sou non kliyan an. Yo ka bay Itilizatè yo aksè a:
- kliyan espesifik, oswa
- tout kliyan aktyèl ak kliyan k ap vini yo sou kont lan.
Pa gen limit nan kantite Itilizatè ou ka genyen sou yon kont Taks Pwofesyonèl la.
