سمجھوتے میں پیشکش (Offer in Compromise) پروگرام
سمجھوتے میں پیشکش کیا ہے اور کون اس کا اہل ہوتا ہے؟
سمجھوتے میں پیشکش پروگرام سے اہل قرار پانے والے، معاشی طور پر بدحال ٹیکس دہندگان کو اپنے واجب الادا ٹیکس کے ایک معقول حصے کی ادائیگی کرتے ہوئے ٹیکس کی اپنی اعصاب شکن ذمہ داریوں کو مؤخر کرنے کا موقع حاصل ہوتا ہے۔ ہم درج ذیل کی طرف سے سمجھوتے میں پیشکشوں پر غور کر سکتے ہیں:
- ایسے افراد اور کاروبار جو دیوالیہ ہیں یا دیوالیہ پن میں قلاش ہو چکے ہوں، اور
- ایسے افراد جو دیوالیہ یا دیوالیہ پن کا شکار نہ ہوں، مگر مکمل ادائیگی کریں تو ناگہانی اقتصادی مشکلات پیدا ہو جائیں۔ (صرف افراد ناگہانی اقتصادی مشکلات کی بنیاد پر رعایت کے لئے درخواست دے سکتے ہیں، جس میں ایسے کاروباری قرضوں سے رعایت شامل ہو سکتی ہے جن کے وہ ذاتی طور پر ذمہ دار ہوں۔)
اگر آپ سمجھوتے میں ایک پیشکش کے لئے درخواست دیتے ہیں، تو ہم آپ کی درخواست پر پوری توجہ دیں گے، تاہم، آپ کی پیشکش پر ہم صرف اس صورت میں غور کریں گے کہ اگر آپ اہلیت کے معیار پر پورے اترتے ہوں۔ ہم اس بات کا تعین کرنے کے لئے آپ کی پیشکش کا تجزیہ کریں گے کہ کیا قبول کرنا نیویارک ریاست اور دیگر ٹیکس دہندگان کے بہترین مفاد میں ہے۔ مثال کے طور پر، اس میں آپ سے درکار ہو سکتا ہے کہ کسی سمجھوتے تک پہنچنے کے لئے خود پر واجب الادا (جرمانے اور منافع کے علاوہ غیر ادا شدہ سیلز یا ود ہولڈنگ ٹیکس) ٹرسٹ کے کسی بھی ٹیکس کی مکمل ادائیگی کر دیں۔ نتیجے کے طور پر، ہم اہلیت حاصل کرنے والے تمام درخواست دہندگان کی جانب سے تمام پیشکشیں قبول نہیں کریں گے۔
ناگہانی اقتصادی مشکل کیا ہے؟
عام طور پر، ناگہانی اقتصادی مشکل اس وقت پیش آتی ہے جب آپ گزربسر کے معقول بنیادی اخراجات کی ادائیگی سے قاصر ہوں۔ زندگی کے بنیادی اخراجات وہ ہوتے ہیں جو آپ کے لئے یا آپ کے خاندان کے لئے صحت، بہبود، اور آمدنی کے حصول کی فراہمی کرتے ہیں۔ ہم گزربسر کے جائز بنیادی اخراجات کا تعین کرنے میں مدد کے لئے IRS مجموعی مالیاتی معیارات (IRS Collection Financial Standards) کو مدِنظر رکھتے ہیں۔
گزربسر کے بنیادی اخراجات کے علاوہ، ناگہانی اقتصادی مشکل کے دعوے کی تخمینہ کاری کرتے ہوئے ہم دیگر عوامل کو بھی زیرِ غور لائیں گے جو آپ کی مالی حالت پر اثر انداز ہو سکتے ہیں، جن میں یہ شامل ہیں:
- عمر، روزگار کی حیثیت، اور سابقہ حیثیتِ روزگار
- کسی دیرینہ بیماری، طبی حالت، یا معذوری کی وجہ سے آمدنی کمانے سے قاصر ہونا
- زیرِ کفالت اشخاص کی ذمہ داریاں
- غیر معمولی حالات جیسے کہ خصوصی تعلیمی اخراجات، طبی سانحہ، یا قدرتی آفت
- مشکل درپیش ہونے کے سبب اثاثوں پر قرض لینے یا اثاثوں کو تحلیل کرنے سے قاصر ہونا
ناگہانی اقتصادی مشکل میں ایک متمول یا پرتعیش طرزِ زندگی قائم کرنے سے قاصر ہونا شامل نہیں ہے۔ ناگہانی اقتصادی مشکل کا تعین کرنے کے لئے جب ہم آپ کے اخراجات کا جائزہ لیتے ہیں، تو ہم عمومی طور پر زندگی کے لازمی اخراجات کے طور پر مندرجہ ذیل کو جائز نہیں سمجھتے ہیں:
- نجی سکول کی ٹیوشن
- کالج کے اخراجات
- خیراتی کاموں میں حصہ ڈالنا
- ریٹائرمنٹ میں رضاکارانہ طور پر حصہ ڈالنا
- کریڈٹ کارڈ پر ادائیگیاں
اگر آپ سمجھتے ہیں کہ آپ سمجھوتے میں پیشکش پروگرام کے لئے اہل نہیں ہیں، تو نیویارک ریاست ادائیگیوں کے ایسے منصوبے بھی پیش کرتی ہے جو ایک با رعایت ماہانہ ادائیگی کے ساتھ آپ کے واجب الادا قرض کو ادا کرنے میں آپ کی مدد کر سکتے ہیں۔ اضافی معلومات کے لئے قسطوں پر ادائیگی کا معاہدہ (Installment payment agreement) ملاحظہ کریں۔
کیسے درخواست دی جائے
اس سے پہلے کہ ہم آپ کی پیشکش کو قبول کریں آپ کو مخصوص شرائط و ضوابط کی پاسداری کرنے پر اتفاق کرنا چاہیئے۔ خلاصے کی ایک فہرست کے لئے سمجھوتے میں پیشکش کی شرائط و ضوابط (Offer in compromise terms and conditions) دیکھیں۔ اگر آن لائن درخواست دے رہے ہوں، تو ویب ایپلیکیشن میں آپ مکمل شرائط دیکھ سکتے ہیں۔ اگر ڈاک کے ذریعے درخواست دے رہے ہوں، تو ذیل میں فہرست شدہ، فارم DTF-4 یا فارم DTF-4.1، سے استفادہ کریں۔ اگر آپ کی پیشکش قبول کی گئی، تو ہم آپ کو اُن مکمل شرائط کی ایک نقل ڈاک کے ذریعے بھی بھیجیں گے جو آپ کی پیشکش پر لاگو ہوتی ہیں۔
آن لائن درخواست دیں
آپ اپنی آن لائن خدمات کو استعمال کرتے ہوئے درخواست دے سکتے ہیں اگر:
- آپ ایک فرد ہیں،
- آپ کا قرضہ صرف ذاتی آمدنی کے ٹیکس کے لئے ہے،
- آپ اپنی ذمہ داریوں میں سے کسی ایک کے لئے کھلے عام احتجاج نہیں کر چکے ہیں،
- آپ سرِ عام دیوالیہ نہیں ہو چکے ہیں، اور
- آپ پر محکمے کی جس کل رقم کا قرض واجب الادا ہے وہ $15,000 یا اس سے کم ہے۔
درخواست دینے کے لئے:
- اپنے اثاثے، ذمہ داری، ماہانہ آمدنی، اور ماہانہ اخراجات کی معلومات کو دستیاب بنائیں۔
- آن لائن خدمات کے اپنے اکاؤنٹ میں لاگ ان کریں (یا ایک نیا اکاؤنٹ بنائیں)۔
- ≡خدمات کے مینیو میں سےادائیگیاں، بلز اور نوٹسز کا انتخاب کریں۔
- سمجھوتے میں پیشکشکا انتخاب کریں۔
لاگ ان کریں | اکاؤنٹ تخلیق کریں
آپ کو 90 دن کے اندر اپنی درخواست مکمل کر لینی چاہیئے، ورنہ ہم اسے حذف کر دیں گے۔
ڈاک کے ذریعے درخواست دیں
- فارم DTF-5 اور یا پھر فارم DTF-4.1 (عام ترین) یا فارم DTF-4 مکمل کریں، اور تمام مطلوبہ دستاویزات فراہم کریں۔
- فارم DTF‑4.1، سمجھوتے میں پیشکش (مقرر کردہ اور حتمی ذمہ داریوں کے لئے) (Offer in Compromise (For Fixed and Final Liabilities))
- فارم DTF‑4، سمجھوتے میں پیشکش (ان ذمہ داریوں کے لئے جو مقررہ اور حتمی نہیں ہیں اور انتظامی جائزے کی تابع ہیں) (Offer in Compromise (For Liabilities Not Fixed and Final and Subject to Administrative Review))
- فارم DTF‑5، مالیاتی حالت کا بیان (Statement of Financial Condition)
- جمع کروائیں:
- سابقہ تین سالوں کے لئے وفاقی گوشوارے، بمعہ تمام منسلکہ شیڈولز اور بیانات (اگر آپ کو جمع کروانا درکار نہ تھا تو آپ کو ایک وضاحت شامل کرنی چاہیئے)؛ اور
- سابقہ 12 مہینوں کی بینک اکاؤنٹ کی تمام دستاویزات، بروکریج کے اکاؤنٹ کی دستاویزات، اور ریٹائرمنٹ کے اکاؤنٹ کی دستاویزات؛ اور
- ایک کریڈٹ رپورٹ جو 30 دنوں سے زیادہ پرانی نہ ہو؛ اور
- کوئی دوسری معاونتی دستاویزات جو آپ کے فارم DTF-5 میں کیے گئے مالی انکشاف کو ثابت کرے گی۔
- اگر آپ مشکل میں آسانی تلاش کرنے والے کوئی فرد ہیں، تو جب آپ اپنی سمجھوتے میں پیشکش کی درخواست جمع کروائیں، تو دیگر معاونتی دستاویزات کے ہمراہ، ایک بیان شامل کریں جس میں اس ناگہانی اقتصادی مشکل کا ذکر ہو جس کا آپ کو سامنا ہے۔
- اپنی درخواست اس پتے پر ہمارے آفس میں براہ راست ارسال کریں:
NYS TAX DEPARTMENT
CED OFFER IN COMPROMISE UNIT
W A HARRIMAN CAMPUS
ALBANY NY 12227-5100
درخواست دینے کے بعد کیا ہوتا ہے؟
اگر آن لائن درخواست دے رہے ہوں، تو آپ کو ایک برقی تصدیق ملے گی۔
اگر بذریعۂ ڈاک درخواست دے رہے ہوں، آپ کو ایک اعترافی خط حاصل ہو گا جس میں مذکور ہو گا کہ:
- آپ کی درخواست مکمل ہے، یا
- آپ نے کوئی مخصوص مطلوبہ معلومات ادھوری چھوڑ دی ہیں اور قبل اس کے کہ ہم آپ کی درخواست کا جائزہ لے سکیں آپ کو یہ لازمی طور پر اس سے پہلے جمع کروا دینی چاہیئیں۔
جب آپ کی درخواست مکمل ہو جائے، تو ایک جائزہ کار کے اسائنمنٹ لینے کا انتظار کیا جائے گا، جو جائزے کی کارروائی شروع ہونے پر آپ سے یا آپ کے نمائندے سے رابطہ کریں گے۔ اپنے جائزے کے دوران، حسبِ ضرورت، ہم اضافی دستاویزات کی درخواست کریں گے۔
اضافی معلومات اور ہدایات کے لئے Publication 220, Offer in Compromise Program (اشاعت 220، سمجھوتہ پروگرام میں پیشکش)، ملاحظہ کریں۔
اب بھی سوالات موجود ہیں؟ کسی سوال یا خدشے کی تشفی کے لئے 518-591-5000 پر ہمیں کال کریں۔