Skip to main content

Kredi timoun Empire State

Nouvo pou ane fiskal 2025 lan

Kòmanse avèk ane fiskal 2025, kredi pou timoun Empire State la ogmante anpil. Pou anpil kontribyab montan kredi a te ogmante. Kredi ranbousab sa a bay sipò pou fanmi ki kalifye ki fè deklarasyon taks sou revni Eta New York epi ki soumèt Form IT-213 (Fòmilè IT-213), Reklamasyon pou Kredi Timoun Empire State, avèk deklarasyon yo.

Fanmi k ap ri sou kanape

Kiyès ki elijib? 

Ou elijib pou kredi ranbousab sa a si ou se yon rezidan Eta New York pou tout ane a epi ou gen omwen yon timoun ki kalifye ki genyen mwens pase 17 lane nan dat 31 desanm nan ane w ap reklame kredi a.

Konbyen kredi a ye?

Kredi pou timoun ki kalifye nan ane 2025 yo ap reklame nan yon deklarasyon taks ane fiskal 2025 ki depoze an 2026.

Kredi pou ane  2025 lan se:

  • $1,000 pou chak timoun ki  kalifye ki poko gen  kat lane; plis
  • $330 pou chak timoun ki kalifye ki gen omwen kat lane men  ki gen mwens pase  17 lane.

Kredi pou timoun ki kalifye nan lane 2026 lan ap reklame nan yon deklarasyon ane fiskal 2026 ki depoze an 2027. Timoun ki kalifye nan lane 2027 yo pral reklame nan yon deklarasyon ane fiskal 2027 ki depoze an 2028.

Kredi pou  2026  ak  2027  ap: 

  • $1,000 pou chak timoun ki  kalifye ki poko gen  kat lane; plis
  • $500 pou chak timoun ki kalifye ki gen omwen kat ane men  ki gen mwens pase  17 lane.

Montan kredi a redui a $16.50 pou chak $1,000 revni federal ajiste brit ou depase limit revni sa a pou estati fiskal ou yo:

  • $110,000 pou yon deklarasyon konjwen marye;
  • $75,000 pou yon deklarasyon selibatè, chèf fanmi oswa konjwen sivivan ki kalifye;  oswa
  • $55,000 pou yon deklarasyon taks separeman pou yon koup ki marye.

Nimewo idantifikasyon

Pou w kapab reklame kredi pou timoun Empire State la, ou dwe bay yon nimewo sekirite sosyal (SSN) ki valab oswa nimewo idantifikasyon endividyèl kontribyab (ITIN) pou ou ak pou chak timoun ou mete sou Fòmilè IT-213 ou a.

enfòmasyon an plis

Updated: